Ֆրանսիայում ավելի քան 500 մարդ ձերբակալվել է, երկուսը՝ զոհվել, 192-ը՝ վիրավորվել՝ Չեմպիոնների լիգայի եզրափակիչից հետո տեղի ունեցած տոնակատարությունների ու բախումների ժամանակ։
Շաբաթ երեկոյան Ֆրանսիայի մայրաքաղաքում և մյուս խոշոր քաղաքներում հարյուր հազարավոր երկրպագուներ փողոցներ են դուրս եկել, երբ Փարիզ Սեն Ժերմենը ջախջախել է իտալացի մրցակից «Ինտեր Միլանին»՝ առաջին անգամ նվաճելով Չեմպիոնների լիգան։
Ոստիկանության հաղորդմամբ, քսանամյա մի երիտասրադ ավտովթարի զոհ է դարձել, մյուսը՝ դանակահարության։
Փարիզը 5400 ոստիկան էր տեղակայել փողոցներում՝ ՊՍԺ-ի հաղթանակից հետո։