Քաղաքաշինության կոմիտեի նախագահ Եղիազար Վարդանյանի գլխավորությամբ կոմիտեում տեղի է ունեցել Կառուցապատողների հայկական ասոցիացիայի ներկայացուցիչների հետ հերթական հանդիպումը։
Քննարկվել են համագործակցության օրակարգում ընդգրկված ուղղություններով կատարված աշխատանքները, հստակեցվել հաջորդ քայլերը։
Անդրադարձ է եղել քաղաքաշինական մի շարք նորմերի արդիականացմանը, ԵՄ նորմերի տեղայնացման գործընթացում հնարավոր համագործակցությանը, վերանորոգված բնակարաններով շենքի հանձնման կարգավորումների մշակմանը, քաղաքաշինական ընթացակարգերի վերանայմանը և պարզեցմանը։ Դիտարկվել են շինարարական նոր նյութերի կիրառության վերաբերյալ առաջարկներ, ինչպես նաև ներկայացվել է կառուցապատողների սնանկության վարույթի հայեցակարգ մշակելու ասոցիացիայի նախաձեռնությունը։ Մտքեր են փոխանակվել կառուցապատման ոլորտում ինքնակարգավորող մարմնի ձևավորման գաղափարի և դաշտի կարգավորման արդյունավետ մեխանիզմների ներդրման վերաբերյալ։ Կարևորվել է նաև կառուցապատման ոլորտի ներկայացուցիչների համար կառավարման հմտությունների զարգացմանն ուղղված դասընթացների կազմակերպումը մասնագիտական բուհերի հետ համագործակցությամբ։
Հանդիպման ընթացքում անդրադարձ է կատարվել նաև քաղաքաշինության ոլորտի մի շարք այլ թեմաների։
Քաղաքաշինության կոմիտե
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: