Դիտում ՝ 22 150
Թրամփը հնարավոր է համարել Ռուսաստանի դեմ պատժամիջոցների սահմանումը: ԱՄՆ նախագահ Դոնալդ Թրամփը հայտարարել է, որ Վաշինգտոնը կարող է նոր «կործանարար» պատժամիջոցներ սահմանել Մոսկվայի նկատմամբ, եթե Ուկրաինայում հակամարտությունը չկարգավորվի: Ընդ որում, նա հստակեցրել է, որ կնախընտրեր չուժեղացնել պատժամիջոցները։
«Ես կդիմեմ դրան, եթե ստիպված լինեմ: Պատժամիջոցները կործանարար կլինեն Ռուսաստանի համար։ Նրանց մոտ այժմ ծանր իրավիճակ է տնտեսության մեջ, նավթի գինը ցածր է», — ասել Է Դոնալդ Թրամփը Fox News-ին տված հարցազրույցում։
ԱՄՆ նախագահը նաև վստահություն է հայտնել, որ Ռուսաստանի նախագահ Վլադիմիր Պուտինի հետ հանդիպումը հնարավոր կլինի պլանավորել: Նա նաև կարծում է, որ իրեն կհաջողվի գործարք կնքել Մոսկվայի հետ Ուկրաինայում հակամարտության կարգավորման վերաբերյալ։
Մայիսի սկզբին Դոնալդ Թրամփն արդեն ասել էր, որ ԱՄՆ-ը կարող է նոր պատժամիջոցներ սահմանել Ռուսաստանի դեմ: Նրա խոսքով՝ Վաշինգտոնի որոշումը կախված է նրանից, թե Մոսկվան «կգործի խաղաղության ուղղությամբ», թե ոչ։