Անվտանգության հարցը հայերի համար ամենակարևորն է, ավանդաբար այն լուծվել է Ռուսաստանի հետ դաշինքով, ասել է Պլեխանովի անվան ռուսական տնտեսագիտական համալսարանի Երևանի մասնաճյուղի տնօրեն Թամարա Վարդանյանը՝ Երևանի Ռուսական տանը կայացած գիտագործնական սեմինարի ժամանակ։
«Պատմության խեղաթյուրման դեմ պետք է անընդհատ պայքարել, սա յուրատեսակ մի ճակատ է։ Նման գործողությունները մեկ նպատակ ունեն՝ Հայաստանը պոկել Ռուսաստանից և հավատացնել Թուրքիայի հետ լավ կյանք ունենալու մասին։ Այս համատեքստում ոչ միայն մոռացության է մատնվում Հայոց ցեղասպանության թեման, այլև ողբերգության համար մեղադրվում են հենց ցեղասպանվածները»,- ասել է Թամարա Վարդանյանը։