31 հոկտեմբերին Պահրէյնի մէջ ընթացող «Մանամայի երկխօսութեան» շրջանակներուն մէջ Հայաստանի Հանրապետութեան արտաքին գործոց եւ միջազգային առեւտուրի նախարար Արարատ Միրզոյեան հանդիպում ունեցաւ Լիբանանի արտաքին գործոց եւ արտերկրի լիբանանցիներու նախարար Եուսեֆ Ռաժժիի հետ: Այդ մասին կը յայտնէ Հայաստանի արտաքին գործոց նախարարութիւնը:
Զրուցակիցները քննարկեցին Հայաստանի եւ Լիբանանի միջեւ բարեկամութեան եւ փոխադարձ վստահութեան վրայ հիմնուած գործընկերութեան հետագայ զարգացման հարցեր:
Բարձր գնահատուեցան բազմակողմ հարթակներու մէջ առկայ հարցերու շուրջ արդիւնաւէտ փոխադարձ գործակցութիւնն ու ցուցաբերուող աջակցութիւնը:
Անդրադարձ կատարուեցաւ առեւտրատնտեսական եւ ներդրումային համագործակցութեան զարգացման, ինչպէս նաեւ արհեստական բանականութեան ոլորտին մէջ փոխադարձ գործակցութեան կարելիութիւններուն:
Նախարարները միտքեր փոխանակեցին Հարաւային Կովկասի եւ Միջին Արեւելքի մէջ տեղի ունեցող զարգացումներուն շուրջ:
Արարատ Միրզոյեան ընդգծեց առկայ խնդիրներու հանգուցալուծման հարցին մէջ Հայաստանի համերաշխութիւնը եւ շրջանային կայունութեան ուղղուած միջազգային ջանքերուն աջակցութիւնը: