Ադրբեջանում գլխաշոր կրելու արգելքի շուրջ շարունակվող անկարգությունները լուրջ հակասություններ են առաջացրել Բաքվի ու Անկարայի միջև հարաբերություններում։ Արդյո՞ք կապ ունի այդ անկարգությունների կազմակերպիչների հետ Թուրքիան։ Թեմային հետևել է Արտյոմ Երկանյանը։
«Սկզբում կարող էր տպավորություն ստեղծվել, որ Իրանն է շահագրգռված այդպիսի անկարգությունների մեջ: Այսօր Վրաստանի նախկին նախագահ Միխայիլ Սահակաշվիլին անգամ իրեն թույլ տվեց պնդել, որ Իրանի իշխանություններն են հրահրում այդ անկարգությունները: Նա հայտարարել է, որ Վրաստանում ադրբեջանաբնակ շրջաններում նույնպես իրանական էմիսարները փորձում են այդպիսի շարժումներ հրահրել: Բայց այսօր ցերեկն արդեն պարզ դարձավ, որ Թուրքիան չի էլ ցանկանում թաքցնել այն, որ առնվազն անուղղակի ձևով աջակցում է այդ անկարգությունների կազմակերպիչներին: Իսկ մինչ այդ փորձում էր քողարկել դա»,-ասել է Երկանյանը:
Ինչպե՞ս են դրան վերաբերվում Ադրբեջանի իշխանությունները: Ինչո՞ւ է Ալիևը որոշել բացել խաղաքարտերն ու բաց առճակատման գնալ Թուրքիայի հետ: Ինչպե՞ս պետք է մենք մեզ պահենք ստեղծված իրավիճակում: