Երեւանի մէջ 25 եւ 26 օգոստոսին Անդրանիկ Հարոյեանի անուան ազատ ոճի ըմբշամարտի մրցաշարքը տեղի ունեցաւ «Տինամօ» մարզահամալիրին մէջ:
Մասնակցեցան շուրջ 130 ըմբիշներ Հայաստանէն, Իրանէն, Վրաստանէն, Մոլտովայէն, Ղազախստանէն եւ Ուքրանիայէն:
Տասը կշիռներու կարգերուն Հայաստանէն եւ Իրանէն 4-ական մարզիկներ ոսկի մետալներ շահեցան, մինչ մէկական ոսկի մետալներ նուաճեցին Ղազախստանէն եւ Մոլտովայէն ըմբիշներ:
Ստորեւ` ոսկի մետալակիրները.
57 քկ – Արման Յարութիւնեան
61 քկ – Սարգիս Բեգոյեան
65 քկ – Հայկ Աբրահամեան
70 քկ – Հրաչեայ Մարգարեան
74 քկ – Ֆազլիխալիլի Ալիաքպար
79 քկ – Երխան Ապիլ (Ղազախստան)
86 քկ – Մոսլեմիճուայուապրի Ամիրալի (Իրան)
92 քկ – Ալի Փուր Ամիր Ռեզա (Իրան)
97 քկ – Ռադու Լեֆտեր (Մոլտովա)
125 քկ – Ամավար Մորթազա (Իրան)
Այս մրցաշարքը եղաւ հայ ըմբիշներու համար մինչեւ 23 տարեկաններու աշխարհի ախոյեանութեան զտումի առանցքային փուլերէն մէկը:
Աշխարհի ախոյեանութիւնը տեղի կ՛ունենայ Լաս Վեկասի մէջ (Միացեալ Նահանգներ) 12-էն 18 հոկտեմբերին:
Բացի ատկէ, առանձին կշիռներու կարգերուն մէջ մասնակցեցան նաեւ Հայաստանի ազատ ոճի ըմբշամարտի մեծերու հաւաքականի ներկայացուցիչները: