Հայաստանի ֆութսալի ախոյեան Եունիսփորթ յաջողութեամբ սկսաւ «Եու. Է. Էֆ. Ա.» «Չեմփիընզ լիկ»-ի իր մրցումները:
Ե. խմբակին մէջ հայկական ակումբը 5-1 արդիւնքով ծանր պարտութեան մատնեց Էսթոնիոյ «Թալին» խումբը:
Կոլերը նշանակեցին հինգ տարբեր մարզիկներ` Գարեգին Մաշումեան, Արթուր Մելքոնեան, Ռաֆիկ Մելիքեան, Վիթինիօ եւ Միհրան Դերմենջեան: Էսթոնական խումբին միակ կոլը նշանակեց Էրիվն Սթուֆ:
Նոյն խմբակին մէջ, գերմանական Վայլիմտորֆ 13-1 արդիւնքով ջախջախիչ արդիւնքով յաղթեց Իսլանտայի Ռէյքիավիքին:
Եունիսփորթի յաջորդ մրցումը պիտի ըլլայ Ռէյքիավիքի դէմ` նշելով, որ բոլոր մրցումները տեղի կ՛ունենան Երեւանի մէջ: