Բռնցքամարտի «Այ. Պի. Էֆ. 20» երեկոյի մրցումներուն, Կրասնոտարի 23 տարեկան անյաղթ բռնցքամարտիկ Միխայիլ Գրիգորեան արհեստավարժ ասպարէզի իր 10-րդ յաղթանակը տարաւ եւ նուաճեց «Այ. Պի. Էֆ.» երիտասարդներու թեթեւ կշիռի տիտղոսը:
Տիտղոսի մենամարտը տեղի ունեցաւ Նապերեժնիէ Չելնիի մէջ, եւ Գրիգորեանի մրցակիցն էր Ուկանտայի ներկայացուցիչ Հենրի Օթպէան:
Մրցումը տեւեց բոլոր 10 ռաունտերը, որոնցմէ ետք իրաւարարները միաձայն յաղթանակ շնորհեցին Գրիգորեանին 100-90, 100-90 եւ 99-91 արդիւնքով:
Այսպիսով, Միխայիլ Գրիգորեան իր յաջորդական 10-րդ յաղթանակը տօնեց, մինչ իր մրցակիցը իր 12-րդ մենամարտին կրեց 2-րդ պարտութիւնը:
Նոյն երեկոյի մրցումներուն, Փիաթիկորսքը ներկայացնող 23 տարեկան անյաղթ մարզիկ Ռուսլան Սելիմեան արհեստավարժ բռցնքամարտի իր 15-րդ յաջորդական յաղթանակը արձանագրեց` նուաճելով կիսամիջին կշիռքի «Այ. Պի. Էֆ.» երիտասարդներու տիտղոսը:
Սելիմեան, որ հայաստանցի եզիտի է, 10 ռաունտերէ ետք միաձայն որոշումով յաղթեց Իվան Քամպակիրէի: