Լոս Անճելըս Քլիփըրզ «Էն. Պի. Էյ.»-ի տարեշրջանին նախօրեակին ձեռք ձգեց երկու մարզիկներ, որոնք իրարմէ շատ մեծ տարբեր դէմքեր են:
Ճամարիոն Շարփ, որ «Ճի. Լիկ»-ի մարզիկ էր եւ կը նկատուի Միացեալ Նահանգներու ամէնէն բարձրահասակ պասքեթպոլիստը, 24 տարեկանին եղաւ Քլիփըրզի մարզիկ: 226 սմ հասակ ունեցող սենթըրը «Ճի. Լիկ»-ի առաւելագոյն պլոք կատարող մարզիկն է, ինչպէս նաեւ 2022-ին եւ 2023-ին «Էն. Սի. Էյ. Էյ.»-ի ալ լաւագոյն պաշտպանող եւ պլոք կատարող մարզիկն էր:
Շարփի կողքին Քլիփըրզ ձեռք ձգեց նաեւ ճափոնցի 25 տարեկան Եուքի Քաուամուրան, որ «Էն. Պի. Էյ.»-ի ամէնէն կարճ հասակ ունեցող մարզիկն է: 170 սմ Քաուամուրա փոյնթ կարտ է եւ 2024-ին արդէն «Էն. Պի. էյ.» եկած էր միանալով Մեմֆիս Կրիզլիզին:
Այդ տարի Քաուամուրա միացած էր Շիքակօ Պուլզին եւ 18 մրցումներ կատարած:
Ան Ճափոնի ազգային խումբի լաւագոյն մարզիկներէն մէկն է եւ մասնակցած է 2024-ի ողիմպիականին: Ան Ֆրանսայի դէմ մրցումին (94-90 ի նպաստ Ճափոնի) կրցած էր նշանակել 29 կէտ: