Նախանցեալ օր իր տունէն ձերբակալուեցաւ Համազգային Հայ կրթական եւ մշակութային միութեան Գիւմրիի գրասենեակի տնօրէն, հասարակական գործիչ, մտաւորական, արցախեան ազատամարտի մասնակից եւ «Հայաստան» դաշինքի պատգամաւորութեան թեկնածու Արա Նախշքարեան` կաշառատուութեան ամբաստանութեամբ:
Հակափտածութեան դատարանը երէկ Արա Նախշքարեանի նկատմամբ կիրարկեց տնային կալանքի խափանման միջոցը: Այս մասին յայտնեց անոր փաստաբան Հռիփսիմէ Գասպարեան: ՀՅԴ-ի անդամ Արա Նախշքարեանի նկատմամբ յարուցուած քրէական այս գործը ունի քրէական յստակ ենթախորք: Անոր նկատմամբ քրէական վարոյթը նախաձեռնուած էր հեռաձայնային հաղորդակցութեան գաղտնալսումով` Ազգային ժողովի ընտրութիւններուն նախորդող օրերուն: