Վաղը Երեւանի մէջ տեղի կ՛ունենայ «Հայփ Արմինիա» մրցաշարքը, որուն գլխաւոր իրադարձութիւնը պիտի ըլլայ «Կրեփլինկ»-ի ախոյեանի տիտղոսի մենամարտը` Արման Ծառուկեանի եւ հնդիկ Անքիթ Պայանփուրիայի միջեւ:
Մենամարտը տեղի պիտի ունենայ «Սապմիշըն Օնլի» կանոններով, ուր յաղթական կը հռչակուի միայն ցաւցնող կամ խեղդող հնարքով շահող մարզիկը: Մենամարտը պիտի ըլլայ ախոյեանութեան գօտիին վրայ, զոր Ծառուկեան նուաճած էր Պրազիլի մէջ տեղի ունեցած «Հայփ Էֆ. Սի.»-ի մրցաշարքին յաղթելէ ետք Մոհամետ Մոքայեւին:
Երեկոյի երկրորդ «Կրեփլինկ»-ի մենամարտը պիտի ունենայ Լեւ Սարգսեան:
Հայաստանի ներկայացուցիչը պիտի մրցի հնդիկ մարզիկ Քրիշանի դէմ: Մնացած ճակատումները տեղի պիտի ունենան մերկ բռունցքներով (առանց ձեռնոցի) եւ «Տըրթի պոքսինկ»-ի կանոններով:
Մրցաշարքի կեդրոնական իրադարձութիւններէն մէկը պիտի ըլլայ Դաւիթ Խաչատրեանի եւ Իպրահիմ Նիքարհոյի միջեւ տիտղոսի մենամարտը: Մարզիկները կը պայքարին մերկ բռունցքներով «Հայփ»-ի ախոյեանութեան համար:
Հետաքրքրական մենամարտեր եւս կան, ուր Հայաստանէն ներկայացուցիչներ Ռաֆայէլ Աբրահամեան, Մանուկեան, Յովհաննիսեան, Աթայեւ, Նարեկ եւ Գալստեան պիտի մրցին ռուս, իտալացի, գերմանացի, տաճիկ եւ այլ երկիրներու ներկայացուցիչներու դէմ: