Հայաստանի ազգային խումբի յառաջապահ Նիկոլաս Կալուկեան իր առաջին ելոյթը ունեցաւ «Էմ. Էլ. Էս. Նեքսթ Փրօ» լիկային մաս կազմող Քարոլայնա Քոր խումբին հետ եւ Ինթեր Մայեմի Բ. խումբին դէմ կրցաւ փայլիլ:
Ուրարտուի նախկին ֆութպոլիստը նախ փենալթիով նշանակեց Քարոլայնայի առաջին կոլը, ապա Էսիսթ մը տուաւ երրորդ կոլի ժամանակ:
Քարոլայնա Քոր 4-0 արդիւնքով ծանր պարտութեան մատնած է Ինթեր Մայեմին:
Կալուկեան, որ Ուրարտուի հետ 33 մրցումներ կատարած է` նշանակելով 5 կոլեր, 3 մրցումներ կատարած է Հայաստանի երիտասարդներու ազգային խումբին հետ, ապա 2025-ին հրաւիրուած Վրաստանի դէմ Ազգերու լիկայի մրցումին: