Խառն մենամարտերու հայ մարզիկ Էրիք Ռուշանեան կը շարունակէ իր յաղթանակներու շարքը` արհեստավարժ ասպարէզին մէջ:
Լեհաստանի Մենձիվոձէ քաղաքին մէջ տեղի ունեցած «Պապիլոն Էմ. Էմ. Էյ. 59» մրցաշարքին, Ռուշանեանի մրցակիցը լեհ Ֆիլիփ Եարոցքին էր:
Հայ մարզիկը իր մենամարտը աւարտեց 3-րդ ռաունտին` խեղդող հնարքով ստիպելով մրցակիցին, որ յանձնուի:
Այս յաղթանակով Ռուշանեան իր անյաղթ կարգավիճակը կրցաւ պահել` արհեստավարժ մրցանիշը հասցնելով 5-ի, մինչ Եարոցքի 5 յաղթանակ եւ 10 պարտութիւն ունի: