2026-ի Մոնտիալի տիտղոսը շահելէ ետք, Սպանիոյ ազգային խումբը վերադարձաւ հայրենիք, ուր Մատրիտի մէջ 2 միլիոնի մօտ համակիրներ կը սպասէին տօնելու խումբի 26 հերոսներուն հետ:
«Ֆուրիա Ռոխա» («Կարմիր զայրոյթը») իր պատմութեան մէջ 2-րդ Մոնտիալի տիտղոսը շահեցաւ, եւ բաժակը բարձրացնելով օդանաւէն դուրս եկաւ խմբապետ Ռոտրին` Մատրիտի Պարախաս օդակայանը, վայրէջքէն ետք:
Անոր յաջորդեցին գլխաւոր մարզիչ Լուիս տէ լա Ֆուենթէ, Սպանիոյ ֆութպոլի ֆետերասիոնի նախագահ Ռաֆայէլ Լուսան:
Հաւաքականի առաջին պաշտօնական այցելութիւնը եղաւ Սարսուելա պալատը, ուր Սպանիոյ թագաւորական ընտանիքը` Ֆիլիփ Զ. թագաւորին գլխաւորութեամբ, ընդունեց ֆութպոլիստները: Աւելի ուշ ֆութպոլիստները անցան Լա Մոնկլոա պալատ` հանդիպելու վարչապետ Փետրօ Սանչեսին հետ, ապա մարզիկները անցան մայրաքաղաք Մատրիտի փողոցներէն դէպի Սիպելես հրապարակ:
