Ֆրանսայի Հեծելարշաւի Շրջավազք. Փոկաչար Մեծ Քայլ Մը Առաւ Դէպի Տիտղոս

2026-ի «Թուր տը Ֆրանս»-ի առաջին լեռնային հանգրուանին, Թատէյ Փոկաչար գլուխ գործոց ելոյթ մը ունեցաւ, հաւանաբար իր ամէնէն տպաւորիչը` իր երկար յաջողութիւններուն մէջ:

4 անգամ տիտղոսակիր Փոկաչար Քոլ տիւ Թուրմալէի վայրէջքներուն վրայ սուրաց` շահելով իր ասպարէզի 23-րդ հանգրուանը, որ իր 11-րդն էր Փիրենէ բլուրներուն վրայ, եւ իր 2-րդը այս տարուան:

Փոկաչար շարունակեց յարձակիլ  եւ վերջին 43 քիլոմեթրը առանձին մնաց, բաւական հեռաւորութիւն ունենալով իր ամէնէն մօտիկ մրցակիցէն` Եոնաս Վինկըկորէն, որ 2 վայրկեան 38 երկվայրկեան ուշ հասաւ: Փոկաչար դեղին շապիկն ալ խլեց Թորսթին Թրինէն, որ արկած մը ունեցաւ, բայց կրցաւ շարունակել հանգրուանը:

Հանգրուանի առաջին 78 քիլոմեթրին Փետերսեն քանի մը անգամ փորձեց սփրինթով կանուխ յարձակումներ ընել հեռանալու համար, բայց բազմաթիւ մրցակիցներ նոյն քայլը առնելով շատ չկրցան հեռանալ: Յարձակումներէ եւ հակայարձակումներէ օգտուեցաւ Պեն Օ՛Քոնըր: Աւստրալիացի մագլցող մարզիկը մէկ վայրկեանէ աւելի հեռացած էր բոլորէն, երբ Փոկաչար նկատեց, որ 5 քմ հեռու է: Փոկաչարի խմբակից Տել Թորօ անցաւ յարձակումի, բայց ինչպէս նշեցինք, սլովենիացի մասնագէտը բոլորը իր ետին ձգելով սուրաց դէպի ժամանման գիծ:

Ստորեւ արդիւնքները.

6-րդ հանգրուան

1.- Թարէյ Փոկաչար (Էմիրէյթց) 4 ժամ 32′ 07″
2.- Եոնաս Վինկըկոր (Վիսմա) 2′ 38″ ուշ
3.- Իզաք Տել Թորօ (Էմիէյթց) 2′ 57″ ուշ
4.- Ռեմքօ Էվենեփուլ (Ռետ Պուլ) 2′ 57″ ուշ
5.- Փոլ Սայքսաս (Տեքաթլոն) 2′ 57″ ուշ

Ընդհանուր դասաւորում

1.- Թատէյ Փոկաչար (Սլովենիա) 21 ժամ 11′ 57″
2.- Եոնաս Վինկըկոր (Դանիա) 2′ 42″ ուշ
3.- Իզաք Տել Թորօ (Մեքսիքա) 3′ 27″ ուշ
4.- Ռեմքօ Էվենեփուլ (Պելճիքա) 3′ 30″ ուշ
5.- Խուան Այուսօ (Սպանիա) 3′ 34″ ուշ