Պաքուի վերաքննիչ դատարանին մէջ քննուած են ապօրինաբար պահուող հայ գերիներու, որոնց շարքին` Արցախի նախկին ռազմաքաղաքական ղեկավարութեան ներկայացուցիչներու վերաքննիչ բողոքները:
Արցախի Ազգային ժողովի նախկին նախագահ Դաւիթ Իշխանեանի անունով դատարանին ներկայացուած են գործի դատական արձանագրութիւններուն վերաբերեալ դիտողութիւններ, որոնք կցուած են գործի նիւթերուն:
Դատարանին մէջ ելոյթ ունեցած է նաեւ Արցախի արտաքին գործոց նախկին նախարար Դաւիթ Բաբայեանի փաստաբանը` նշելով, որ իր պաշտպանեալին ներկայացուցած վերաքննիչ բողոքը ամբողջութեամբ հիմնաւորուած է:
Յաջորդ «դատական նիստը» նշանակուած է 7 յուլիսին: