Իսրայէլի սփիւռքի նախարար Ամիխայ Շիքլի «Էֆ. Էմ. 103» ձայնասփիւռի կայանին հետ հարցազրոյցի ընթացքին յայտնեց. «Սուրիան եւ Թուրքիան Իսրայէլին Իրանէն աւելի մեծ սպառնալիք կը ներկայացնեն, եւ ուշ կամ կանուխ Սուրիոյ դէմ պատերազմ պիտի մղենք»:
Իսրայէլի վարչապետ Պենիամին Նեթանիահուի ղեկավարած Լիքուտ կուսակցութեան անդամ նախարարը յայտնեց, որ ինք մտահոգ է «Քաթար-Թուրքիա-Փաքիստան առանցքէն»:
Անոր համար, այդ առանցքն է, որ Միացեալ Նահանգներու եւ Իրանի միջեւ պատերազմը աւարտելու համաձայնութիւնը բանաձեւած է: