Պատգամավոր Արթուր Սարգսյանի վարորդ Կարո Օկումուշյանի խափանման միջոց տնային կալանքը դատարանը փոխեց վարչական հսկողության և բացակայելու արգելքի։
Այն ուժի մեջ կմտնի հունիսի 25-ից` տնային կալանքի ժամկետը լրանալուն պես:
Օկումուշյանին արգելվեց շփվել գործով մյուս մեղադրյալների հետ:
Վերացվեց նաև սահմանված գրավը:
Հիշեցնենք, որ նոյեմբերին դատարանը փոխել էր «Սրբազան պայքարի» գործով ամբաստանյալ Օկումուշյանի խափանման միջոցը՝ կալանքը փոխարինելով տնային կալանքով և սահմանելով 1,5 մլն դրամ գրավ։ Դատարանը հաշվի էր առել Օկումուշյանի երկու անչափահաս երեխաների առկայությունը: