«Նիկոլ Փաշինեան կ՛օգտագործէ Եւրասիական տնտեսական միութիւնը` Եւրոպական Միութիւն անցնելու համար», «Թելեկրամ»-ի իր ալիքին մէջ գրած է Ռուսիոյ խորհրդարանի ստորին պալատի` Պետական տումայի նախագահ Վիաչեսլաւ Վոլոտին:
«Փաշինեան կը ցանկայ իր բոլոր խնդիրները լուծել ԵԱՏՄ-ի, նախ եւ առաջ Ռուսիոյ հաշուոյն», պնդած է Վոլոտին:
Ռուս պաշտօնեային համաձայն, Հայաստանի վարչապետը այս գործողութիւններով կը փորձէ «պահպանել իր անձնական իշխանութիւնը, սակայն ատոր գինը շատ բարձր պիտի ըլլայ»: