Ճատրակ. Հայկ Մարտիրոսեան Դարձաւ Արծաթէ Մետալակիր

Հայաստանի ճատրակի տղոց խումբի լաւագոյն վարպետը` Հայկ Մարտիրոսեան,  դարձաւ  ճատրակի միջազգային «Սարտինիա Ուորլտ Չես Ֆեսթիվըլ» մրցաշարքի արծաթէ մետալակիր:

Մարտիրոսեան 9 կարելի կէտերէն 7-ն ձեռք ձգեց եւ գրաւեց 2-րդ դիրքը: Առաջին դիրքը գրաւեց գերմանացի վարպետ Ֆրետերիք Զվանէ, որ վաստկեցաւ 7,5 կէտ:

Հայ վարպետի մը եւս` Մամիկոն Ղարիբեան, 7 կէտ շահեցաւ եւ գրաւեց 4-րդ դիրքը:

Հայաստանէն մասնակցեցան նաեւ վարպետներ Էմին Օհանեան եւ Սարգիս Մանուկեան, որոնք 5,5 կէտեր ձեռք ձգեցին:

Մրցաշարքէն առաջ ՖԻՏԷԻ դասաւորումով Զվանէ 5-րդ դասուած էր ռուս Իան Նեփոմինաշչիի, հնդիկ Փարհամ Մակաուտլուի, խրուաթ Իվան Սարիչի եւ հնդիկ Մուրալի Քարթիքէեանի ետին, մինչ Հայկ Մարտիրոսեան 6-րդ դասուած էր: Մամիկոն Ղարիբեան 29-րդ դասուած էր, մինչ Օհանեան` 26-րդ: Սարգիս Մանուկեան 43-րդ դիրքի վրայ դասուած էր:

Ինչպէս նշեցինք, Հայկ Մարտիրոսեան 2-րդ դիրքի վրայ աւարտեց միջազգային այս մրցաշարքը, Ղարիբեան` 4-րդ, Էմին Օհանեան` 27-րդ, իսկ Սարգիս Մանուկեան` 38-րդ: