«Չեմփիընզ Լիկ». Գերմանացի Զիպերթ Պիտի Ղեկավարէ Արսենալ-Փարիզ Սեն Ժերմեն Աւարտականը

Գերմանացի իրաւարար Տանիէլ Զիպերթ նշանակուեցաւ «Չեմփիընզ Լիկ»-ի աւարտական մրցումի ղեկավար «Եու.Է.Էֆ.Աևի կողմէ, հակառակ անոր որ ՖԻՖԱ զինք նկատի չառաւ Մոնտիալի իրաւարարներու ցանկին մէջ:

Արսենալ¬Փարիզ Սեն Ժերմեն մրցումը, որ տեղի պիտի ունենայ 30 մայիսին «ՓուշՔաշ Արենա»¬ի մէջ (Հունգարիա), պիտի ըլլայ այս տարեշրջանի 10-րդ «Չեմփիընզ Լիկ»-ի ղեկավարած մրցումը: Իր յաջորդական 3-րդ մրցումն ալ պիտի ըլլայ «Չեմփիընզ Լիկ»-ի քառորդ եւ կիսաւարտականներէն ետք, մանաւանդ Արսենալի նկատմամբ:

Զիպերթ ղեկավարած էր Արսենալի 1-0 արդիւնքով յաղթանակները` Սփորթինկ Լիզպոնի (քառորդ աւարտական) եւ Աթլեթիքօ Մատրիտի (կիսաւարտական) դէմ:

Ան Փարիզ Սեն Ժերմենի մէկ մրցում ղեկավարեց այս տարեշրջանին, ուր մրցումը աւարտած էր 0-0 արդիւնքով` Աթլեթիքօ Պիլպաոյի դաշտին վրայ:

Իր նախկին 9 մրցումներուն Զիպերթ 2 կարմիր քարտեր ցոյց տուած էր եւ միայն 1 փենալթի:

ՖԻՖԱ-ն Զիպերթը նշանակած էր 2022-ին,  երբ Քաթարի մէջ ան ղեկավարած էր Թունուզ¬Աւստրալիա եւ Կանա-Ուրուկուէյ մրցումները: Ան նկատի չէր առնուած 2026-ի Մոնտիալին, ուր ՖԻՖԱ նշանակած էր այլ գերմանացի մը` Ֆելիքս Ձվայեր:

Զիպերթ վերջին երկու եուրոներուն ղեկավարած էր 5 մրցումներ:

Աղջկանց «Չեմփիընզ Լիկ»-ի աւարտական մրցումը, որ իրար դէմ պիտի հանէ Պարսելոնան եւ Օլիմփիք Լիոնը պիտի ղեկավարէ շուէտացի Թես Օլոֆսոն: Մրցումը տեղի պիտի ունենայ 23 մայիսին,  Նորվեկիոյ մէջ: Նշենք, որ աղջկանց կիսաւարտականին Պարսելոնա յաղթած էր Պայերն Միւնիխին, իսկ Լիոն` Արսենալի:

Ֆրանսացի իրաւարար Ֆրանսուա Լեթեքսիէ, որ 2024-ի Եուրոյի աւարտականը ղեկավարած էր նշանակուեցաւ «Եուրոփա Լիկ»-ի աւարտականի իրաւարար:

Ասթոն Վիլա պիտի մրցի Ֆրայպուրկի դէմ, 20 մայիսին Պոլսոյ մէջ:

Իտալացի Մաուրիցիօ Մարիանի պիտի ղեկավարէ Լայփցիկի (Գերմանիա) մէջ տեղի ունենալիք «Քոնֆերենս Լիկ»-ի աւարտական մրցումը, որ իրար դէմ պիտի հանէ Քրիսթըլ Փելեսն ու Ռայօ Վայեքանոն: