Հայաստանի ծանրամարտի ֆեդերացիայի նախագահ Արայիկ Հարությունյանը Աղասյան ընտանիքին է փոխանցել Հայաստանի ծանրամարտի հավաքականի նախկին անդամ, երջանկահիշատակ Աղասի Աղասյանի հետմահու արժանացած Եվրոպայի 2014 թվականի առաջնության հրում վարժության ու երկամարտի բրոնզե, ինչպես նաև 2013 թվականի համաշխարհային ուսանողական խաղերի մեդալները:
2019 թվականին EWF-ի կողմից որակազրկման պատճառով Աղասի Աղասյանի հետ նույն` 85 կգ քաշային կարգում հանդես եկող մարզիկները զրկվել էին մեդալներից:
Օրեր առաջ այս մեդալները Հայաստանի ծանրամարտի ֆեդերացիային փոխանցվել էին Եվրոպական ֆեդերացիայի կոնգրեսի ժամանակ: