Արսենալի եւ Աւստրիոյ ազգային խումբի նախկին բերդապահ Ալեքս Մանինկեր 48 տարեկան հասակին զոհ գնաց ինքնաշարժի ողբերգական արկածի մը:
Մանինկեր կը գտնուէր փոքր հանրակառքի մը մէջ, երբ ան զարնուեցաւ շոգեկառքի մը, Զալցպուրկի (Աւստրիա) մէջ:
Արսենալի հետ Մանինկեր 1997-էն 2002 ելոյթ ունեցած է իբրեւ պահեստի բերդապահ Տէյվիտ Սիմենի` դառնալով «Փրեմիեր լիկ»-ի ախոյեան իր առաջին տարեշրջանին, ինչպէս նաեւ 1998-ի մարտի լաւագոյն մարզիկ ընտրուած է` շահելով «Էֆ. Էյ.» բաժակն ու «Չերիթի Շիլտ»-ը 1998-ին եւ 1999-ին:
Տարիներ վերջ ան միացած է նաեւ Եուվենթուսին, որուն հետ դարձած է «Սերի Ա.»-ի ախոյեան, 2011-2012 տարեշրջանին: