Գերագույն հոգևոր խորհրդի աշխարհիկ անդամներին այսօր առավոտյան անակնկալ կերպով հրավիրել են Քննչական կոմիտե: Այս մասին 24News-ի հետ զրույցում ասաց Մայր Աթոռի Տեղեկատվական կենտրոնի տնօրեն Եսայի քահանա Արթենյանը, նշելով, որ այլ տեղեկություն չունեն:
Փաստաբան Արա Զոհրաբյանն էլ ասաց, որ իր տեղեկություններով, նույն քրեական վարույթն է, որով շաբաթներ առաջ եպիսկոպոսներին էին հրավիրել հարցաքննության, միայն թե աշխարհիկ ներկայացուցիչները վկայի կարգավիճակով են հրավիրվել:
Հիշեցնենք, որ ավելի վաղ Հայ Առաքելական Եկեղեցու Գերագույն հոգևոր խորհրդի անդամ եպիսկոպոսներից մի քանիսը ևս հրավիրվել էին քննչական կոմիտե՝ որպես մեղադրյալ: