Բռնցքամարտ. Անուշ Գրիգորեան Շահեցաւ Հայաստանի Միակ Պրոնզ Մետալը

Հայ բռնցքամարտիկ Անուշ Գրիգորեան (51 քկ) դարձաւ Սթրանճա մրցաշարքի պրոնզէ մետալակիր:

Սոֆիայի մէջ տեղի ունեցած բռնցքամարտի կարեւորագոյն եւ հնագոյն մրցաշարքին, Անուշ Գրիգորեան եղաւ միակ հայ ներկայացուցիչը, որ մետալ շահեցաւ յօգուտ 10 մարզիկներով մասնակցած Հայաստանի:

Անուշ Գրիգորեանի կողքին 65 քկ կշիռի Էլիտա Քոչարեան մասնակցեցաւ 8 անդամնոց տղոց կազմին կողքին:

Ռուտոլֆ Գարբոյեան (50 քկ), Ժիրայր Սարգսեան (55 քկ), Արթուր Բազէեան (60 քկ), Արթուր Սահակեան (65 քկ), Յարութիւն Յակոբեան (70 քկ), Մարատ Միքայէլեան (75 քկ), Նարեկ Մանասեան (90 քկ) եւ Դաւիթ Չալոյեան (90 քիլոկրամէն վեր) իրենց կարգին մասնակցած էին առանց մետալ շահելու: