Հայաստանի Հանրապետութեան արտաքին գործոց նախարարի տեղակալ Ռոպերթ Աբիսողոմեան եւ Կարմիր խաչի միջազգային կոմիտէի փոխնախագահ Ժիլ Քարպոնիէ Ժընեւի մէջ քննարկած են Պաքուի մէջ պահուող հայ գերիներու խնդիրի հասցէագրման անհրաժեշտութիւնը: Այս մասին կը հաղորդէ «Սփութնիք Արմենիա»-ն:
Շեշտուած է նաեւ անհետ կորսուած անձերու ճակատագիրներու պարզաբանման եւ բռնի անհետացումներու դէպքերու բացայայտման անհրաժեշտութիւնը: