«Քաղաքացիական պայմանագիր» կուսակցության Վարչության անդամներ Արուսյակ Մանավազյանը, Ալխաս Ղազարյանը, Արտաքին կապերի պատասխանատու Սարգիս Խանդանյանը, Վերահսկիչ հանձնաժողովի նախագահ Լևոն Լևոնյանը, հանձնաժողովի անդամ Քնարիկ Հարությունյանը, Երիտասարդական կառույցի խորհրդի անդամներ Էլինա Իշխանյանը և Բագրատ Վարդանյանը փետրվարի 4-ին հանդիպել են ԵԱՀԿ Ժողովրդավարական հաստատությունների եւ մարդու իրավունքների գրասենյակի (ԺՀՄԻԳ) փորձագետների հետ, որոնք Հայաստանում են գենդերային քաղաքականության ազգային գնահատում իրականացնելու նպատակով:
Ողջունելով հյուրերին՝ կուսակցության ներկայացուցիչները կարևորել են կուսակցության բոլոր մարմիններում կանանց քաղաքական ներգրավվածության և ակտիվության աճը և դրա ազդեցությունը Հայաստանի քաղաքական մշակույթում։
Հանդիպման ընթացքում քննարկվել են կուսակցության կանոնադրական մարմիններում կանանց ներգրավվածությանը վերաբերող հարցեր, ինչպես նաև կուսակցության ծրագրում, կանոնադրության և էթիկայի կանոնագրքում գենդերային հավասարությունը երաշխավորող դրույթները։
Ընդգծվել է կուսակցության տարածքային կառույցների խորհուրդներում կանանց ներգրավվածության դրական ազդեցությունը համայնքներում կանանց քաղաքական մասնակցության վրա։
Զրուցակիցները մտքեր են փոխանակել նաև «Քաղաքացիական պայմանագիր» կուսակցության և ԵԱՀԿ ԺՀՄԻԳ-ի միջև հետագա համագործակցության վերաբերյալ։
«Քաղաքացիական պայմանագիր» կուսակցություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: