Հալեպի հայկական թաղամասերն արդեն 4 օր է` հայտնվել են Սիրիայի կառավարական բանակի և «Քասաթ» խմբավորման միջև շարունակվող մարտերի խաչաձև կրակի տակ, այս մասին գրում է «Արևելքը»։
Լրատվամիջոցի հրապարակած տեսանյութում Հալեպի Վիլլաներ շրջանի Սուրբ Աստվածածին եկեղեցու թաղամասն է, որտեղից երևում են սիրիական բանակի տանկերը։ «Քաբրիի շրջանաձև խաչմերուկը (Տուարատ Քաբրի) նույնպես համարվում է նշանակալի բախման վայր և դարձել է ինտենսիվ մարտերի կիզակետ»,- գրում է «Արևելքը»։
Հիշեցնենք` հունվարի 6–ին «Սիրիայի դեմոկրատական ուժերի» (ՍԴՈւ) և Դամասկոսի կողմից վերահսկվող ուժերի միջև բախումներ են տեղի ունեցել, որոնց հետևանքով Հալեպում 4 մարդ է զոհվել, 26-ը` վիրավորվել: Բախումները սաստկացել են հունվարի 8–ին։ Հունվարի 9–ին Սիրիայի պաշտպանության նախարարությունը հայտարարեց, որ քաղաքում իրավիճակը լիցքաթափելու համար Հալեպում հրադադար է հաստատվում տեղական ժամանակով ժամը 3:00-ին (Երևանի ժամանակով` 4:00-ին)։