Գեներալ-մայոր Կարեն Շաքարյանը զրկվեց «Արցախի հերոսի» կոչումից։ Համապատասխան հրամանագիրն այսօր ստորագրել է Արցախի Հանրապետության նախագահի պաշտոնակատար Աշոտ Դանիելյանը։ Ասյ մասին տեղեկացնում է Արցախի Տեղեկատվական շտաբը։
«Ղեկավարվելով «Արցախի Հանրապետության պետական պարգևների և պատվավոր կոչումների մասին» օրենքի 40-րդ հոդվածի 4-րդ մասով և հիմք ընդունելով Արցախի Հանրապետության Նախագահին առընթեր պետական պարգևների և պատվավոր կոչումների շնորհման հարցերի քննարկման խորհրդակցական հանձնաժողովի եզրակացությունը՝ որոշում եմ.
- Կարեն Շահենի Շաքարյանին զրկել «Արցախի հերոս» բարձրագույն կոչումից:
- Սույն հրամանագիրն ուժի մեջ է մտնում ստորագրման պահից:
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀԻ ՊԱՇՏՈՆԱԿԱՏԱՐ
Ա. ԴԱՆԻԵԼՅԱՆ
2026թ․ հունվարի 9
ՆՀ-1-Ա»,- նշված է հայտարարության մեջ։
Ավելի վաղ գեներալը մասնակցել էր Փաշինյանի գլխավորած ուխտերթին և հայտարարել, որ կիսում է նրա առաջ քաշած օրակարգը։