Դեկտեմբեր 26,2025 16:38
Լևոն Բալայանը (ծնված՝ 1978 թ.) ձերբակալվել է Ադրբեջանի զինված ուժերի կողմից 2023 թվականի սեպտեմբերի 20-ին՝ Լեռնային Ղարաբաղի դեմ Ադրբեջանի ռազմական գործողությունների ընթացքում։ Նա գտնվում է նախնական կալանքի տակ և դատվում է Բաքվի ռազմական դատարանում՝ ևս 14 հայ քաղաքացիների հետ միասին։
Լևոն Բալայանին մեղադրանք է առաջադրվել «հանցագործ կազմակերպությանը տարբեր ժամանակահատվածներում մասնակցելու» համար՝ Ադրբեջանի Հանրապետության քրեական օրենսգրքի առնվազն 24 հոդվածներով, այդ թվում՝ հոդված 103 (ցեղասպանություն), հոդված 114 (վարձկանություն) և հոդված 214 (ահաբեկչություն)։
Ըստ բաց աղբյուրների (իշխանամետ ադրբեջանական ԶԼՄ-ներ), 2025 թվականի սեպտեմբերի 5-ին դատարանում ներկայացվել է նրա նախաքննական ցուցմունքը, որը նա հիմնականում հաստատել է նույն օրը կայացած դատական նիստում։ 2025 թվականի նոյեմբերի 13-ին տեղի ունեցած դատական նիստում մեղադրող կողմը դատարանից պահանջել է Լևոն Բալայանին դատապարտել 17 տարվա ազատազրկման։
Խոսեք նրանց մասին, միացեք հայ պատանդների ազատության միջազգային արշավին։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Մեկնաբանություններ (0)