ԱՊՀ ղեկավարների ոչ պաշտոնական հանդիպումը տեղի է ունենում Պետական Էրմիտաժ թանգարանի Սուրբ Գևորգյան դահլիճում։
Մինչ այդ ՌԴ նախագահ Վլադիմիր Պուտինը Սանկտ Պետերբուրգում ԱՊՀ ղեկավարների համար էքսկուրսիա է կազմակերպել Էրմիտաժում։ Տեղեկությունը հայտնում է Կրեմլի մամուլի ծառայությունը։
Էրմիտաժի սրահներում Պուտինն ինքն է գործընկերներին պատմել թանգարանի մասին։
Առաջնորդները հյուսիսային մայրաքաղաք են ժամանել երեկ։ Դեկտեմբերի 21-ին կայացել է Եվրասիական տնտեսական բարձրագույն խորհրդի նիստը, իսկ այսօր նրանք կմասնակցեն Նոր տարվան նախորդող ավանդական ոչ պաշտոնական գագաթնաժողովին:
Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը: