Դեկտեմբեր 18,2025 11:56
Ազգային-ժողովրդավարական Բևեռի խորհուրդը կոչ է անում հայ հանրությանը զերծ մնալ արտաքին թելադրանքով գործող Նիկոլ Փաշինյանի հրահրած և մի շարք եպիսկոպոսների ձեռամբ Հայաստանյայց Առաքելական Սուրբ Եկեղեցու դեմ իրականացվող հակասահմանադրական և քայքայիչ գործողություններին մասնակցություն ունենալուց։
Այս գործողությունները նպատակ ունեն պառակտելու և մասնատելու 1700-ամյա Հայաստանյայց Առաքելական Սուրբ Եկեղեցին՝ հազարամյակներով հայ ժողովրդի ինքնության պահպանման ամենակարևոր ինստիտուտը։
Գոյութենական վտանգներով լի այս ժամանակաշրջանում գործող կոլաբորացիոն կառավարությունը ձգտում է հայ ժողովրդին համոզել, որ Հայաստանը արտաքին սպառնալիքներ չունի, և միակ սպառնալիքը ներսում է՝ ջլատելու համար հայության դիմադրական ռեսուրսը, քաղաքացիական բախումներ հրահրելու և Հայաստանը սկուտեղի վրա մատուցելու համար ցեղասպան ուժերին։
Մեր պարտքն է այս ծանրագույն շրջանում պահպանել համախմբվածությունը մեր Սուրբ Եկեղեցու շուրջ։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Մեկնաբանություններ (0)