«Զարմանալիորեն անկանխատեսելի բաներ են տեղի ունենում արդեն 4-րդ սրբազան հոր՝ Արշակ սրբազանի հանդեպ, խոսքը վերաբերվում է այն սրբազաններին, որոնք կանգնած են Հայ Առաքելական եկեղեցու կողքին:
4 սրբազանների նկատմամբ էլ հարուցվում են շինծու, հորինված քրեական գործեր: Շատ զարմանալի է, որ հենց Մասիս Մելքոնյանն ընտրվեց դատավոր, որն աչքի է ընկել իր անաչառությամբ եւ իշխանությունների հրահանգները չկատարելով»,-լրագրողների հետ զրույցում հեգնեց ԱԺ «Պատիվ ունեմ» խմբակցության ղեկավար Հայկ Մամիջանյանը:
Նա ասաց, որ իր խոսքերը հումոր են՝ իրականության դժոխքից մի քանի վայրկյանով շեղվելու համար: Մամիջանյանի ձեւակերպմամբ, Փաշինյանն ավելի վայրագ է շարունակելու իր գործողությունները, եթե ընտրվի. «Մենք անհրաժեշտություն ունենք օր առաջ սա կասեցնել: Առանց բոլոր հայրենասերների համատեղ պայքարի, սակայն, սա չի կարող կասեցվել»:
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: