Իրանագետ Արտյոմ Տոնոյանն իր «Caspian Frontiers» տելեգրամյան ալիքում գրում է․
Ալիևը պետական մեծ միջոցներ է ծախսում, որպեսզի ադրբեջանցիների հանրային գիտակցության մեջ կարողանա մտցնել այն գաղափարը, որ Հայաստանի Հանրապետության տարածքը իրենց հայրենիքն է։
Տպագրվում են գրքեր, բուկլետներ, կազմակերպվում են ցուցահանդեսներ, գիտաժողովեր, նկարահանվում են ֆիլմեր, ռեպորտաժներ և այլն։
Դա այն գինն է, որը վճարում է Ալիևը Հայաստանի տարածքի նկատմամբ էմոցիանալ կապ ստեղծելու և տարածքը որպես «հայրենիք» և «արժեք» սահմանելու համար։
Այդ գինը վճարվում է ոչ միայն Հայաստանի հետ հակամարտությունը պահպանելու համար, այլև այսօրվա դպրոցականի՝ վաղվա «հանուն հայրենիքի ազատագրության և արժեքների նահատակությունը» հնարավոր դարձնելու համար։
Սա չնկատելը կամ նկատելուց հետո բանատեղ չդնելն էլ լինելու է դիմացինի վճարելիք գինը ապագայի x կետում։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: