Ադրբեջանի նախագահ Իլհամ Ալիևի հանձնարարությամբ, պաշտպանության նախարարության ղեկավարությունը ստուգել է ադրբեջանական բանակի ստորաբաժանումների մատակարարումը և մարտական պատրաստությունը, այս մասին հայտնել է այդ երկրի պաշտպանության նախարարությունը։
Նախարարության ղեկավարությունը ստուգել է ծառայողական անձնակազմի սոցիալ-կենցաղային պայմանների բարելավման և զորքերի ծառայության կազմակերպման ուղղությամբ կատարված աշխատանքի որակը։
Տեղում ծառայողական անձնակազմի համար ստեղծված պայմանները վերանայելուց հետո, պաշտպանության նախարար, գեներալ-գնդապետ Զաքիր Հասանովը համապատասխան պաշտոնյաներին լրացուցիչ հանձնարարականներ է տվել ձմեռային սեզոնի նախապատրաստման, ստորաբաժանումներում ծառայության և կենցաղային պայմանների բարելավման, զորքերի մարտական պատրաստվածության բարձրացման, զենքի և սարքավորումների սեզոնային պահպանման և անխափան մատակարարման ապահովման վերաբերյալ։
Բարձր գնահատելով անձնակազմի մարտական և բարոյահոգեբանական պատրաստվածության մակարդակը, Ադրբեջանի պաշտպանության նախարարը հանդիպել է ծառայողական անձնակազմի հետ և քննարկել նրանց հետաքրքրող թեմաները։