Օրերս Շիրակի մարզ կատարած այցի ընթացքում լրատվամիջոցների հարցին պատասխանելիս նշել էի, որ մոտ ապագայում Գյումրիի «Շիրակ» օդանավակայանից կսկսվեն չվերթներ դեպի Եվրոպա։ Այս մասին գրել է ՏԿԵ նախարար Դավիթ Խուդաթյանը իր Ֆեյսբուքյան էջում։
«Այսօր արդեն Wizz Air ավիաընկերությունը հայտարարեց, որ սեպտեմբերի 30-ից գործարկվելու են Գյումրի–Լառնակա–Գյումրի չվերթները՝ շաբաթական երկու թռիչքի հաճախականությամբ։
Տոմսերի գինը մեկնարկում է 14․99 եվրոյից։
Ի դեպ, օրեր առաջ նաև վերանորոգեցինք Գյումրիի «Շիրակ» օդանավակայան տանող ճանապարհը»,– նշել է նախարարը։