Գերմանիայի կանցլեր Ֆրիդրիխ Մերցը քննադատել է ԱՄՆ իշխանությունների որոշումը՝ բոյկոտելու Յոհաննեսբուրգում կայացած G20 գագաթնաժողովը։
«Կարծում եմ, որ այստեղ չգտնվելու որոշումը լավ որոշում չէր ամերիկյան կառավարության կողմից։ Սակայն ամերիկյան կառավարությունն ինքը պետք է իմանա դա», – ասել է Մերցը միջոցառումից հետո կայացած մամուլի ասուլիսում։ «Մեզ համար լավ է, որ մենք այստեղ էինք», – հավելել է նա։ Կանցլերը նաև հայտնել է, որ ԱՄՆ-ն գործնականում չի հիշատակվել գագաթնաժողովում։
Միացյալ Նահանգները բոյկոտել է ներկայիս գագաթնաժողովը՝ դրա օրակարգի հետ անհամաձայնության պատճառով։ ԱՄՆ-ն «20»-ի նախագահի պաշտոնը կստանձնի 2025 թվականի դեկտեմբերի 1-ին՝ 12 ամսով։ ԱՄՆ նախագահ Դոնալդ Թրամփը հայտարարել է, որ G20 գագաթնաժողովը կանցկացվի Ֆլորիդայում 2026 թվականին։