Փաշինյանը Ղազախստանի նախագահին պետական այցով հրավիրել է Հայաստան, Տոկաևը ընդունել է այն:
Ղազախստանում այսօր՝ նոյեմբերի 21-ին կայացած հանդիպմանը նաև հուշագիր է ստորագրվել՝ ատոմային էներգետիկայի խաղաղ օգտագործման ոլորտում համագործակցության ուղղությամբ:
Ղազախստանի նախագահն անրադարձել է նաև տրանսպորտային ուղիների ապաշրջափակմանը. «Մենք առանձնահատուկ կարևորություն ենք տվել տրանսպորտային և տրանզիտ հնարավորություններին: Աշխարհաքաղաքական նոր իրավիճակը Հարավային Կովկասում հնարավորություններ է ստեղծում, որպեսզի ամրապնդվի երկկողմ տարածաշրջանային համագործակցությունը»,- նշել է նա: