Ռուսաստանը ճանաչում է միայն այն երկրների վարորդական իրավունքները, որտեղ ռուսերենը պաշտոնական լեզու է. մյուսները պետք է քննություններ հանձնեն, ասել է ՌԴ Պետդումայի խոսնակ Վյաչեսլավ Վոլոդինը։
«Մենք չենք կարող ճանաչել նրանց վարորդական իրավունքները, ովքեր ժամանում են այն երկրներից, որտեղ ռուսերենը պաշտոնական լեզու չէ: Այս դեպքում այդ երկրների քաղաքացիները պետք է հանձնեն քննություններ. միայն այդ դեպքում նրանք կկարողանան ստանալ վարորդական իրավունք», – ասել է նա լիագումար նիստում։
Վոլոդինը հավելել է, որ ռուսերենի իմացությունը Ռուսաստանի Դաշնությունում օտարերկրյա վարորդական իրավունքները ճանաչելու հիմնարար պահանջ է։