«Հրապարակի» զրուցակիցը Գուգարաց թեմի առաջնորդ Հովնան եպիսկոպոս Հակոբյանն է:
– Նախկին հոգեւորական Տեր Տարոնը կարգալույծ հռչակվեց, Տեր Թադեն դեռեւս կարգալույծ չի արվել: Նիկոլ Փաշինյանը հաջորդ կիրակի էլ գնում է Խաչիկ գյուղի եկեղեցի: Մարդկանց մասնակցությունը, նույնիսկ վարչական լծակի կիրառման պարագայում, խիստ նվազ է։ Հնարավո՞ր է, որ Փաշինյանի համառությունը հանգեցնի իր համար ցանկալի արդյունքին։
– Չեմ կարծում: Այդքան շատ համախոհներ չի կարող ինքն ունենալ:
– Չունի, բայց փաստացի Հովհաննավանքն այսօր «օկուպացված» է:
– Ինքը ցանկացած եկեղեցում էլ կարող է գնալ, մասնակցել պատարագի, բայց դա չի նշանակում, որ իր կործանարար ընթացքն էլ, գործողությունն էլ կհաջողեն:
– Մտավախություն ունե՞ք, որ կարգալույծ հռչակված Ստեփան Ասատրյանի պես հոգեւորականներ կարող են էլի լինել:
– Անգամ եթե լինեն, Եկեղեցու համար մի տասը հոգեւորականի կարգալույծ լինելը թիվ չէ. նրանք ոչ մի բան էլ չեն կարողանալու անել:
– Վստա՞հ եք, որ Փաշինյանի հակաեկեղեցական պայքարը տապալվելու է:
– Ոչ թե տապալվելու է, շատ կործանարար է լինելու իր ու իր համախոհների համար:
– Փաշինյանն իր նպատակին կհասնի՞ Վեհափառի հեռացման հարցում:
– Իհարկե՝ ոչ, բացառվում է:
Հայկա Ալոյան
«Հրապարակ»
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: