Առողջապահության նախարար Անահիտ Ավանեսյանը ֆեյսբուքյան էջի գրառմամբ ներկայացրել է, թե ովքեր են առողջապահության ապահովագրության առաջին փուլով ներառվելու համակարգում, և թե որքան աշխատավարձի դեպքում, որքան պետք է վճարեն քաղաքացիները:
Նախարարը մասնավորապես գրել է.
«2026թ-ից համակարգին կմիանան 200.000 + աշխատավարձ ստացող քաղաքացիները:
Փաթեթի արժեքը տարեկան` 129.600 դրամ:
Վճարման ձևը`ամսական:
2026թ. վճարման բեռը մեղմելու համար պետությունը`
ա) 200.000-ից 500.000 հազ. դրամ աշխատավարձ ստացող անձանց հնարավորություն կտա`
5500 դրամի փոխարեն`Զինապահ հիմնադրամին վճարել 1000 դրամ և մնացած 4500 դրամը փոխանցել առողջության ապահովագրությանը:
2026թ.-ի ընթացքում եկամուտների հայտարարագիր լրացնելով` ետ ստանալ ամսական 6000 դրամ:
բ) 500.000-ից 1 մլն դրամ աշխատավարձ ստացող անձանց հնարավորություն կտա`
8500 դրամի փոխարեն Զինապահ հիմնադրամին վճարել 1000 դրամ և մնացած 7500 դրամը փոխանցել առղջության ապահովագրությանը:
2027թ.-ի ընթացքում եկամուտների հայտարարագիր լրացնելով` ետ ստանալ ամսական 4000 դրամ:
Այսինքն, մինչև 500000 դրամ աշխատավարձ ստացող քաղաքացիները պետությանը վճարելիք 10500 դրամը կարողանալու են խնայել և ուղղել առողջության ապահովագրությանը:
գ) 1մլն. դրամից ավելի աշխատավարձ ստացող անձանց հնարավորություն կտա `
2027թ.-ի ընթացքում եկամուտների հայտարարագիր լրացնելով` ետ ստանալ 4000 դրամ»: