ՀՀ վարչապետ Նիկոլ Փաշինյանը Պաշտպանության նախարարությունում Զինված ուժերի ղեկավար կազմի օպերատիվ հավաքի մասնակիցների հետ քննարկել է մի շարք օրակարգային հարցեր, տեղեկացրել է վարչապետի աշխատակազմը։
Ըստ հրապարակման՝ նա կարևորել է բանակի շարունակական արդիականացումն ու այդ ուղղությամբ հետևողական քայլերի իրականացումը։
Անդրադարձ է կատարվել ՀՀ ԶՈւ զարգացման ռազմավարական տեսլականին, անվտանգության նոր միջավայրի գնահատմանը, արդյունավետ կառավարմանը, մարդկային ռեսուրսների զարգացմանը և այլ հարցերի, տեղեկացրել են կառավարությունից։
Նշվում է, որ երկրի ղեկավարը պատասխանել է ԶՈւ ղեկավար կազմին հետաքրքրող հարցերին։
