Մեծ Բրիտանիայի Կենտրոնական բանկը (Bank of England) առաջարկել է սահմանափակել ստեյբլքոյնների (stablecoin) տիրապետման չափը՝
-
մասնավոր անձանց համար՝ առավելագույնը £20,000 (մոտ $26,300),
-
կազմակերպությունների համար՝ մինչև £10 միլիոն։
Սահմանափակումը վերաբերում է միայն այն ստեյբլքոյններին, որոնք կպած են ֆունտ ստերլինգին և համարվում են համակարգային նշանակության, այսինքն՝ ազդեցություն ունեցող ֆինանսական ակտիվներ։
Այն չի տարածվում USDT, USDC և այլ միջազգային ստեյբլքոյնների վրա, որոնք հիմնականում օգտագործվում են կրիպտոառևտրում։
Բացի այդ, Բանկը առաջարկում է թույլ տալ ստեյբլքոյնների թողարկողներին պահել մինչև 60% պահուստները կարճաժամկետ պետական պարտատոմսերում։
Սա համեմատաբար մեղմացում է՝ հաշվի առնելով 2023 թվականի դիրքորոշումը, երբ Կենտրոնական բանկը պահանջում էր, որ բոլոր պահուստները պահվեն բացառապես բանկի սեփական դեպոզիտներում։
Չնայած այս փոփոխություններին՝ Մեծ Բրիտանիայի կարգավորումը մնում է ավելի խիստ, քան ԱՄՆ-ում։
Ֆունտով թողարկված խոշոր ստեյբլքոյնների վերահսկողությունը կվարի Բրիտանիայի Կենտրոնական բանկը, իսկ մնացած բոլորի նկատմամբ վերահսկողությունը կիրականացնի Ֆինանսական վարքագծի վարչությունը (FCA)։
Նոր կանոնները նախատեսվում է ուժի մեջ մտցնել արդյունաբերական խորհրդակցություններից հետո՝ 2026 թվականին։