«Լիվերպուլի» գլխավոր մարզիչ Առնե Սլոտը հաստատել է, որ Ալիսոն Բեկերը, Ժերեմի Ֆրիմպոնգը և Ալեքսանդեր Իսակը հասանելի չեն լինելու Մադրիդի «Ռեալի» հետ խաղի համար։
Երեք ֆուտբոլիստներն էլ վերջերս դուրս են մնացել խաղերից վնասվածքների պատճառով և դեռ պատրաստ չեն վերադառնալու՝ մասնակցելու Չեմպիոնների լիգայի խաղին, որը կկայանա երեքշաբթի երեկոյան «Էնֆիլդ» մարզադաշտում։
Ալիսոնը և Ֆրիմպոնգը բաց կթողնեն նաև շաբաթավերջին կայանալիք Անգլիայի Պրեմիեր լիգայի խաղը «Մանչեսթեր Սիթիի» դեմ, մինչդեռ Իսակը որոշակի հնարավորություն ունի ընդգրկվելու թիմի հայտացուցակում։
«Երեքն էլ վաղվա խաղի համար հասանելի չեն», — ասել է գլխավոր մարզիչ Սլոտը այսօր կայացած նախախաղային ասուլիսում։
«Ժերեմին և Ալիսոնը նույնպես չեն լինի հասանելի կիրակի օրը։ Ինչ վերաբերում է Ալեքսին՝ պետք է սպասենք և տեսնենք։ Նա հաստատ չի սկսի խաղը կիրակի, բայց գուցե ընդգրկվի հայտացուցակում։ Նա դեռ թիմի հետ չի մարզվում, այնպես որ պետք է սպասենք ու տեսնենք»։