Ալբանիայի Դուրրես քաղաքում ավարտին մոտեցող Եվրոպայի երիտասարդների և մինչև 23 տարեկանների առաջնությունների մրցումային նախավերջին օրը Հայաստանն ունի 5 մասնակից: Այս մասին տեղեկացնում են Ծանրամարտի ֆեդերացիայից:
Երիտասարդների պայքարում Երևանի ժամանակով 14:00-ին մրցահարթակ դուրս կգա 86 կգ քաշային Էմմա Պողոսյանը:
Ժամը 16:00-ին պայքարի մեջ կմտնեն +86 կգ քաշային կանայք, որտեղ Հայաստանից կմասնակցի Ալինա Սուքիասյանը:
18:00-ին երիտասարդների 110 կգ քաշում հարթակ դուրս կգա Միշա Մելքոնյանը:
20:00-ին պայքարի մեջ կմտնեն մինչև 23 տարեկաններից 86 կգ քաշային աղջիկները: Հայաստանն այս քաշում ներկայացնում է Լիանա Գյուրջյանը:
Եվ 22:00-ին երիտասարդների տարիքային խմբում կմրցի գերծանր քաշային Վարդգես Մարգարյանը:
Դիտումների քանակ1