Գերմանիան ցանկանում է տեսնել Գազայի հատվածում միջազգային կայունացման ուժերի տեղակայման հստակ իրավական մանդատ, հայտարարել է Գերմանիայի արտաքին գործերի նախարար Յոհան Վադեֆուլը։
Ավելի վաղ Axios պորտալը, հղում անելով աղբյուրներին, հայտնել էր, որ ԱՄՆ-ը մտադիր է առաջիկա շաբաթների ընթացքում ներկայացնել Գազայի հատվածում միջազգային կայունացման ուժերի (ISF) տեղակայման ծրագիր։
«Գազայում միջազգային կայունացման ուժերը կպահանջեն միջազգային իրավունքի հստակ հիմքեր։ Մենք հասկանում ենք, որ սա չափազանց կարևոր է այն երկրների համար, որոնք կարող են ցանկանալ զորքեր ուղարկել Գազա, և պաղեստինցիների համար։
Գերմանիան նույնպես ցանկանում է տեսնել այս առաքելության հստակ մանդատ», – ասել է Վադեֆուլը Բահրեյնում կայացած Մանամայի երկխոսության ֆորումում, որի ելույթը հեռարձակվել է ֆորումի կայքում։
Նախարարը նաև նշել է, որ Գազայի խաղաղ բնակիչների վիճակը շարունակում է ծանր մնալ, և դեռևս անհրաժեշտ է ավելի մեծ մարդասիրական հասանելիություն։