Քրեական վարույթի շրջանակում մեղադրանք է ներկայացվել Բյուրեղավան համայնքի ղեկավարին՝ 9 դրվագով պաշտոնեական լիազորությունները չարաշահելու համար (ՀՀ նախկին Քրեական օրենսգրքի 308-րդ հոդվածի 1-ի մաս):
Այս մասին «Հայկական ժամանակ»-ին հայտնեցին Հակակոռուպցիոն կոմիտեից:
«Քրեական վարույթն առնչվում է ձևական աճուրդների միջոցով հողերի ապօրինի օտարմանը: Համայնքապետի նկատմամբ որպես խափանման միջոցներ են կիրառվել բացակայելու արգելքն ու պաշտոնավարման կասեցումը»,- հայտնեցին կոմիտեից։
Բյուրեղավանի համայնքապետ Հակոբ Բալասյանն այդ պաշտոնը զբաղեցնում էր 2008 թվականից:
Մի մոռացեք կիսվել Ձեր ընկերների հետ