«Բարսելոնայի» հարձակվող Լամին Յամալը սոցիալական ցանցերում հրապարակել է իր լղոզված լուսանկարը, Մադրիդի «Ռեալի» զայրացած երկրպագուների ֆոնին։
Այսօր՝ հոկտեմբերի 26-ին, կապտանռնագույնները կմրցեն «սերուցքայինների» հետ Իսպանիայի Լա Լիգայի 10-րդ տուրի խաղում։
Ավելի վաղ 18-ամյա ֆուտբոլիստը, պատասխանելով հարցին, թե արդյոք Իսպանիայի մեդիաֆուտբոլային Kings League մրցաշարի «Պորսինոս» թիմը հիշեցնում է «Ռեալը», ասել էր. «Այո՛, իհարկե։ Նրանք խաբում են և բողոքում»։
Բացի այդ, Յամալը չի բացառել, որ «Բարսելոնան» կարող է կրկին ջախջախել «Արքայական ակումբին» 4:0 հաշվով «Սանտիագո Բեռնաբեուում», ինչպես եղավ նախորդ մրցաշրջանում։