ԱՄՆ նախագահ Դոնալդ Թրամփը հայտարարել է, որ Ռուսաստանի դեմ իր սահմանած պատժամիջոցները շատ խիստ են։
«Մենք շատ լուրջ պատժամիջոցներ ենք կիրառել Ռուսաստանի դեմ, կարծում եմ՝ դրանք շատ խիստ պատժամիջոցներ են», – ասել է Թրամփը Ասիա մեկնող Air Force One ինքնաթիռում։
Ամերիկացի առաջնորդը կարծում է, որ պատժամիջոցներն ազդեցություն կունենան։
«Նա (Ռուսաստանի նախագահ Վլադիմիր Պուտինը – խմբ.) ասում է, որ դրանք մեծ ազդեցություն չեն ունենա։ Չգիտեմ, չեմ կարծում, որ նա ճիշտ է այդ հարցում», – ասել է Թրամփը։
Ավելի վաղ ԱՄՆ նախագահը պատժամիջոցներ էր կիրառել «Լուկոյլի» և «Ռոսնեֆտի» նկատմամբ ՝ կապված Ուկրաինայի շուրջ ստեղծված իրավիճակի հետ։ Սրանք նոր վարչակազմի օրոք կիրառված առաջին պատժամիջոցներն էին։